مواضيع باللغة الانجليزية مواضيع باللغة الانجليزية للتعلم والنطق بطلاقة والكتابة وتسهيل محادثة بينك وبين الآخرين، سواء في المدرسة أو العمل أو الحياة اليومية 
شرح قاعدة ifمن القواعد الهامه والاساسيه فى القواعد المتعلقه باللغة الانجليزية والتى يتم البحث عنها بصفه مستمره.
شرح قاعدة if
سوف اقدم لكم فيما يلى شرحا مبسطا وسهلا لاهم القواعد التى نراها ونستخدمها بكثرة فى اللغه الانجليزية مع الاستعانة ب الامثله التى تسهل الوصول للمعنى.
كلنا عارفين ان قاعدة if قاعده مهمة وفي نفس الوقت صعبه وناس كتير بيتلخبطو فيها.فلو مش قادر تفهمها أو كنت فاهمها من زمان ونسيتها ،تعالي معانا نفهم قاعدة if واستخداماتها واحده واحده .
عندنا في اللغة العربية كلمة( if ) معناها( لو ) وبتيجي في أول الجملة
أمثلة علي كلمة( لو ) في العربي.
لو ذاكرت هتنجح.
لو جيت عندنا هتكون سعيد.
لو أنا مكانك هبطل سجاير.
لو كنت ملك كنت هحل أزمة الشعب.
لو المياه اتجمدت هتتحول ثلج.
ودا كان استخدام كلمة (لو ) في لغتنا العربية ،وزى ما أحنا ملاحظين إن كل جملة من الجمل اللي فاتت مختلفة عن التانيه في المعنى والاستخدام وبردو في الانجليزى هنلاقي القاعدة ليها أشكال مختلفة.
قاعدة if في اللغة الانجليزية ليها أربع حالات .
علشان تفهم قاعدة if وتطبقها صح لازم تعمل الخطوات الجايه باتقان شديد.
1- تفهم كويس كل حاله بتعبر عن ايه أو بنستخدمها أمتي.
2-نفهم تركيب وتكوين الجملة في كل حالة ونحفظه.
3- تبدأ تطبق اللي فهمته وتكون جمل صح.
حالات قاعدة if أربع حالات :
1- الحالة الصفرية
2- الحالة الاولي
3- الحالة الثانيه
4- الحالة الثالثة
كل حاله من الحالات السابقة بتعبر عن شيء معين ولها شكل معين .
1- الحالة الصفرية
تعبر الحالة الصفرية عن الحقائق العلمية والحقائق العامة.
مثل : لو سخنت الماء هيغلي
if you heat water, it boils
مثل:لو جمدت الماء هيصبح ثلج.
if you freeze water,it becomes ice
مما سبق لاحظنا أن تكوين الحالة الصفيرية كالاتي:
if +مضارع بسيط + مضارع بسيط
if +present simple +present simple
الحالة الاولي.
تعبر الحالة الاولي عن الاشياء الاكيدة أو الاشياء البديهية.
مثل: شىء بديهي أنك لو ذاكرت هتنجح في الامتحان
if you study hard,you pass the exam
مثل :لو الجو برد هلبس جاكت
if it’s cold,i will wear a coat
مثل: لو الجو حر هستخدم شمسية
if it is hot ,we will use umbralla
وتعتبر هذه الحالة من أكثر الحالات استخداما .
تتكون هذه الحالة من : if +present simple +will +المصدر
الحالة الثانية:
تعبر الحالة الثانية عن الاحلام والخيال وكل ما هو مستحيل أو صعب التحقيق.
مثل:if i won a million dollars,i would travel a round the worled
اذا كسبت ملايين الدولارات سوف اسافر حول العالم.
مثل: if i were a doctor ,i would treat boor people
اذا كنت دكتور كنت هعالج الناس الفقراء.
تتكون هذه الحالة من : if + past simple +would +inf
الحالة الثالثة :
تعبر الحالة الثالثة عن الندم علي شيء حدث في الماضي وكنا نتمني لو حدث بشكل اخر .
مثل: لو كان معايا فلوس أكتر كنت هشترى عربية أكبر
if i had had more money ,i would have bought big car
تتكون هذه الحالة من :if +ماضى تام +would +التصريف الثالث
1- الحالة الصفرية = الحقائق العلمية
2- الحالة الاولي = الشئ الاكيد
3- الحالة الثانية =الاحلام
4- الحالة الثالثة = الندم
أهم نصيحة بعد قراءة ما سبق جيدا وفهمه ، هو حفظ جملة واحدة بها تكوين صحيح لكل حالة وذلك سوف يساعد كثيرا عند تكوين جملة جديدة.
1- if Ahmed ………… me earlier,i would have been there in time
2- if i …………. the king ,i would solve the problem
3-if i were you,i …………. stop smoking
4- if i ………. had more money,i would have new clothes
5- if you …………water ,it boils
1- had called
2- became
3- would
4- had
5-heat
وبهذا القدر نكون قد انهينا شرح وتقديم قاعدة من اهم قواعد اللغة الانجليزية وهى قاعدة if وللمزيد من الشرح والقواعد المختلفه يتم الضغط على الرابط التالى:
